Ahir Suvarnakar Mandal, Shahada Dist- Nandurbar (Maha)
संत नरहरी महाराज - आरती
(चाल – जय जगदीश हरे)
जय नरहरी देवा , ओम शिव नरहरी देवा
प्रसन्न होशी दयाळा , कवेत घेई कृपाळा
ऐकून हा धावा ii ओम जय नरहरी देवा ii धृii
तू शिवभक्त अलौकिक , सांबकृपाधारी i
नरहर सांब कृपा धारी i
हर हर शिव हर गर्जे, मल्लिकार्जुन संगे
पंढरपूर द्वारी i ओम जय नरहरी देवा ii १ii
विक्कुटी बांधे दोरा , बांधुनी नयनाला i
नरहर बांधुन नयनाला i
विठ्ठल होई महाशिव , पांडुरंग सदाशिव i
द्वैत भाव शमला ii ओम जय नरहरी देवा ii २ii
नाम्याचा भंडारा पंढरी , साधू संत येती i
भोजणी साधू संत येती i
हात धरूनी नरहरीचा, अलख निरंजन साचा
शिवशंकर येती I ओम जय नरहरी देवा II ३II
वैश्य वर्ण सोनार नरहरी, देव विश्वकर्मा I
आपुला देव विश्वकर्मा I
सुवर्ण रत्न उपासक, मल्लिकार्जुन व्यापक I
पाळशी शिव धर्मा II ओम जय नरहरी देवा II ४II
ज्ञानध्यान सन्मान आम्हा दे, आरती तुझी करितो I
नरहरी आरती तुझी करितो I
एक जीवाचे होऊन, एक शिवाचे होऊन I
माणुसकी स्मरतो II ओम जय नरहरी देवा II ५II
नरहराची आरती, जो कोणी गाई I
संतती सुख संपत्ती, आयू धन उन्नती I
मोक्ष मिळे त्यास II ओम जय नरहरी देवा II ६II
सर्वांना करी एक नरहरी, हा धावा पायी I
बाळ करी हा धावा पायी I
जीवनाचे कर सोने, अध्यात्माचे नाणे I
चरणी तुझ्या वाहू I ओम जय नरहरी देवा II ७II
 |
